“Балдәурен” жазғы алаңының ашылуы

Бүгін мектебімізде 1 маусым балаларды қорғау күніне орай “Балдәурен” жазғы алаңының ашылуы және мереке орай  “Біз бақытты баламыз” атты іс-шара өткізілді.  Мақсаты: балалармен жасөспірімдердің жаз кезіндегі демалысын көңілді ұйымдастыру.

Мерекелік іс-шара барысында концерттік бағдарлама ұйымдастырылды. Іс-шараға мектеп оқушылары мен ата-аналар, ұстаздар қатысты. Балаларды бүгінгі мерекемен мектеп директоры Салтанат Құрманәліқызы құттықтады. Қай халықтың болмасын, елдігін, салт-дәстүрін, ата-мекенін болашаққа апаратын бүгінгі жас ұрпағы. Дүниеде баладан асыл, сәбидің күлкісінен қымбат қазына жоқ. Бала-біздің болашағымыз, еліміздің ертеңі. Мектептегі өнерлі оқушылар бүгінгі іс-шарада жиналған қауымның ықыласына бөленді. Оқушылар үшін түрлі ойындар  ұйымдастырылды. Бүлдіршіндерге бүгінгі мерекеге орай демеушілер тарапынан  тәттілер мен балмұздақтар таратылды.