Алғыс айту-адамгершіліктің белгісі

Аспаздық - әйелдердің нәзік жанына жақын өнердің бірі. Дегенмен, осы саланы таңдап, бүгінде асханадан шықпайтын нәзік жандар өте көп. Солардың бірі де бірегейі, "№22 орта мектеп" мемлекеттік коммуналдық мекемесі асханасының аспазшысы Жупарова Бахыт Имбергеновна атап айтсақ болады. Бахыт апай мектеп асханасындағы тамақтану жағдайларына қойылатын санитариялық-эпидемиологиялық талаптарына сай қызмет атқарады. Күнделікті дайындаған тамақтарын мұғалім, ата-ана,оқушылар сүйсініп ішіп қана қоймай, шексіз ризашылықтарын білдіріп, алғыстарын айтады. Бүгінгі алғыс айту күнінде "№22 орта мектеп" МКМ директоры Салтанат Құрманәліқызы Бахыт апайымызға мектеп ұжымы атынан шексіз ризашылығын білдіріп, мақтау қағазымен марапаттады.