Қасым Аманжоловтың 110 жылдығы

Әли ауылы, Т. Қатаев атындағы 22 орта мектебінде ақын Қасым Аманжоловтың 110 жылдығына орай "От ауызды, орақ тілді"  атты жас мұғалімдердің қатысуымен Қасым оқуы өткізілді. Жастарымыз өздерін тағы бір  қырынан көрсете білді. Бас жүлдені информатика пәнінің мұғалімі Серік Нұрзат, 1 орынды дене шынықтыру пәнінің мұғалімі Парахатов Нұрсұлтан иеленді. 2 орынды химия пәнінің мұғалімі Шакиева Айнұр мен дене шынықтыру пәнінің мұғалімі Балтабай Азаттар бөлісті. 3 орынды қазақ тілі мен әдебиеті пәнінің мұғалімі Құралай Ершманова мен МАД жетекшісі Қыдыралы Назеркелер қанжығасына байлады. Құттықтау сөзді мектеп директоры Құрманәліқызы Салтанат алып, жастарға алғыс айта отырып,  жастар жан-жақты,  талантты болу керек, енді Мұқағали оқуына дайындалыңдар,-деп еңбектеріне табыс тіледі. Мағжан Жұмабаев айтқандай:  Мен жастарға сенемін!